एभरेष्ट इभेन्ट्सले पहिलो पटक आयोजना रक्तदान कार्यक्रम सम्पन्न
News Desk 1
May-10 तारिख 11:32 बिहान

ललितपुर, नेपाल – इभेन्ट म्यानेजमेन्ट कम्पनी एभरेष्ट इभेन्ट्सले नेपाल रेडक्रस सोसाइटी ललितपुर ब्लड ट्रान्सफ्युजन सर्भिससँगको सहकार्यमा वैशाख २२ गते शनिबार पाटन महारानी पोखरीमा रक्तदान कार्यक्रम आयोजना गरेको छ ।

साँझ ४ः३० बजे सुरु भई ६ः३० बजे समापन भएको उक्त कार्यक्रममा ६० भन्दा बढी दाताहरुको सहभागिता रहेको थियो । कार्यक्रमलाई तीन प्रमुख साझेदार नेपाल रेडक्रस सोसाइटी ललितपुर ब्लड ट्रान्सफ्युजन सर्भिस ,राज्य दैनिक, नन्दिनी अर्गानिक र एसएसएमले सहयोग गरेका थिए ।

कार्यक्रम बारे जानकारी दिदै  एभरेष्ट इभेन्ट्सका प्रमुख कार्यकारी अधिकृत कृष्ण श्रेष्ठ (रोविन) ले कार्यक्रमलाई भव्य रुपमा सफल बनाउन सहयोग गर्ने सम्पूर्ण दाता र सहयोगीहरुलाई धन्यवाद दिए । आगामी दिनमा रगतको अभावलाई सम्बोधन गर्दै मानवताको बृहत्तर सेवा गर्ने उद्देश्यले रक्तदान कार्यक्रम आयोजना गरिएको उनले बताए।

‘नेपाल रेडक्रस सोसाइटी र ललितपुर ब्लड ट्रान्सफ्युजन सर्भिसको सहकार्यमा यो रक्तदान अभियान आयोजना गर्न पाउँदा हामी हर्षित छौं,’ श्रेष्ठ रबिनले भने । ूदाताहरूबाट अत्याधिक प्रतिक्रिया हाम्रो समुदायका मानिसहरूको करुणा र उदारताको प्रमाण हो। हामी हाम्रा सबै साझेदारहरूलाई यस कार्यक्रमलाई सफल बनाउन सहयोग गर्नु हुने सबै प्रति आभारी छौं।ू

एभरेष्ट इभेन्ट्सले पहिलो पटक आयोजना गरेको यस रक्तदान कार्यक्रम ईभेण्ट कम्पनीहरु मध्येबाट पनि पहिलो नै भएको श्रेष्ठले दाबी समेत गरे ।