काठमाण्डौ - युथ क्रिएसन नेपालको आयोजनामा प्रथम संस्करण अडिसन फेस अफ तामाङ किड्स- २०२४ हुने भएको छ। शुक्रबार स्हेनोर हाउस बाैद्व जोरपाटीमा पत्रकार सम्मेलन मार्फत उक्त कार्यक्रमको बारे युथ क्रिएसन नेपाल अध्यक्ष रवि लामाले जानकारी दिएको हो। तामाङ इतिहासमै पहिलोपटक तामाङ बालबालिकाहरुलाई अनुहारलाई विश्व सामु पुर्याउने,तामाङ समुदायको कला संस्कृति, भाषा, भेषभुषा, रहनसहन, जातियता र साँस्कृतिक परिवेशको महत्व, गरिमा र आवश्यकतालाई बालबालिकाहरुमा जानकारी, चेतना र जागरुकता वृद्धि गर्नुका साथै बालबालिकाहरुमा निहित अन्तर्निहित प्रतिभा, आत्मविश्वासको विकास सशक्तीकरण हुने बताएका छन्।

फेस अफ तामाङ किड्समा सहयोगीताका अनलाइनबाट फेस अफ तामाङ किड्सको पेजबाट फारम खुल्ला भइसकेको छ। फारमको शुल्क रु १ हजार निर्धारण गरिएको आयोजकले बताएको छ। अडिसनमा ६ देखि १३ वर्ष उमेर समूहका बालबालिकाहरुले जनाउन पाउँनेछन् । कार्यक्रममा सहभागिहरुले व्यक्तित्व विकास, आत्मविश्वास अभिवृद्धि, संचारकलाको विकासका साथै समग्र स्टेज प्रस्तुतिकरण सम्बन्धी प्रशिक्षण प्राप्त गर्नेछन् । कार्यक्रममा विजेता, उपविजेता लगायत विभिन्न विधामा सहभागिहरुलाई पुरस्कृत गरिने जनाइएको छ ।

पत्रकार सम्मेलनमा तामाङ कलाकार संघका अध्यक्ष विशाल काल्तन, तामाङ चलचित्र चर्चित नायक एवम् निर्देशक अमिर दोङ, नेपाल तामाङ संस्कृतिक घुेङका अध्यक्ष छेवाङ तेन्जिङ लामा, म्हेन्दोमाया कलाकार संघका अध्यक्ष अरम्बा तामाङ युथ क्रिएसन नेपाल रवि लामा लगायत पत्रकार संञ्चारकर्मीहरु उपस्थिति रहेको थियोे ।