काठमाण्डौ - अनन्त के.सी. को स्वरमा रहेको गीत बाबा सार्वजनिक भएको छ । राजधानीमा आयोजित एक कार्यक्रमका बिच संगीतकार सन्तोष श्रेष्ठको प्रमुख आतिथ्यमा उक्त गीतको भिडियो सार्वजनिक गरिएको हो ।

कार्यक्रममा बोल्दै संगीतकार श्रेष्ठले यो गीतले आम मानिसमा संवेदनाको सञ्चार गर्ने सन्दर्भको उठान गर्नुभयो । गीतकार एवम् लेखक डि आर राई लगायतका स्रष्टाले पनि अनन्त केसीको कला कौशलको खुलेरै प्रशंसा गर्नुभयो ।

गीतमा गायक अनन्त केसीको रचना, संगीत र स्वर तथा अभिनय समेत रहेको छ । त्यसैगरी अभिनयमा अनन्तलाई आरिज केसी र श्रेय लामाले पनि साथ दिएका छन् । राज केसीको छायांकन, विकास दाहालको सम्पादन रहेको भिडियोलाई निर्देशक हेमप्रभासले निर्देशन गरेका हुन् ।