पशुपतिनाथ क्षेत्रमा कोटिहोम महायज्ञ हुदै
News Desk
May-24 तारिख 06:41 बिहान

काठमाण्डौ  - हालसम्मकै ठूलो ऐतिहासिक कोटिहोम महायज्ञ आगामी श्रावण महिनाभर पशुपतिनाथ क्षेत्रमा आयोजना हुने भएको छ । ऐतिहासिक श्री पशुपति कोटिहोम एंव १०८ श्रीमद्भागवत विश्व कल्याण मासिक ज्ञान महायज्ञ नाम दिइएको उक्त विराट महायज्ञ आगामी श्रावण महिनाको १ गते देखि ३२ गतेसम्म सञ्चालन हुने मानव सेवा फाउण्डेसनका व्यबस्थापक लिला रमण निरौलाले जानकारी दिएका छन । 
ललितपुरको बाडेगाउँमा सञ्चालित मामाघर आश्रम र भक्तपुरको चाँगुनारायणमा सञ्चालित छोरीको घर ज्येष्ठ नागरिक आश्रमको भवन निर्माण सहयोगार्थ उक्त महायज्ञ आयोजना हुन लागेको हो । 
अहिले महायज्ञको प्रचारप्रसारको लागि आयोजक समितीका सदस्यहरु उपत्यका तथा देशव्यापी दौडानमा रहेका छन । महायज्ञ आयोजक मूल तथा उपसमिती गठन गर्ने देखि लिएर बिशिष्ट निमन्त्रणाको लागि देश तथा विदेशमा ख्याती प्राप्त जगदगुरु,साधु,सन्त,महन्त,प्रशिद्ध कथा वाचक वाचिका,स्थानिय तथा राज नेतालाई भेटने र निमन्त्रणा पत्र हस्तान्त्रण गर्ने कार्य भइरहेको छ । 

महायज्ञ अवधिभर १०८ पण्डित ज्यूहरुबाट विभिन्न पुराणहरुको श्रावण महिनाभर पाठपारायण,१०८ पण्डितद्धारा वैदिक मन्त्र सहित अनवरत रुपमा नियमित हवन।सयौ जनाको सामूहिक ब्रतबन्ध, ५१ सय दिव्य कलश पुजन,चार वेद अठार पुराणको वाचन, ११ हजार बढी बालिकाको कन्या पुजन,हजारौको तुलादा, २१ हजार बढी ज्येष्ठ नागरिकको सम्मान,तण्डुलाचाल चामलको पर्वत निर्माण लगायको कार्यक्रमहरु पनि नियमित रुपमा सञ्चालन हुने छन । 

महायज्ञमा कथा वाचनको रुपमा देश तथा विदेशमा ख्याती प्राप्त वाचन प्रविण पण्डित श्री दीनवन्धु पोखरेल,राधिका दासी र श्रीमदभागवतकी लोकप्रिय युवा कथावाचिका देवी प्रतिभा लगायको सहभागीता रहने छ । 
धार्मिक,सामाजिक,आध्यात्मिक,स्वास्थ्य तथा वातावरणीय स्वास्थ्यको क्षेत्रमा काम गर्दै आएको श्री मानव सेवा फाउण्डेसन,नेपालको आयोजनामा उक्त महायज्ञ सञ्चालन हुन गइरहेको हो । मानव सेवा फाउण्डेसन अन्तर्गत नै अहिले मामाघर आश्रम र छोरीको घर ज्येष्ठ नागरिक आश्रम सञ्चालनमा रहेका छन । हाल मामाघर आश्रममा देशका विभिन्न स्थानका करिब ७५ जना अभिभावक विहिन बालबालिकाले निःशुल्क रुपमा गास,वास,कपास,स्वास्थ्य र शिक्षा प्राप्त गर्दै आइरहेका छन । त्यस्तै छोरीको घर ज्येष्ठ नागरिक आश्रममा पनि दर्जन बढी बेसाहारा आमाबुबाहश्रले आश्रय प्राप्त गर्दै आइरहेका छन । 
हाल २ ओटै आश्रम भाडको घरबाट सञ्चालित रहेका छन । 

हामी सबै देश विदेशमा रहेका सम्पूर्ण नेपालीहरुले सहयोग गरि भवन निर्माण गर्न सके हजारौ भष्यिका कर्णधार बालबालिका अनि अनुभवका खानी ज्येष्ठ नागरिक आमाबुवाले स्यार,सत्कार र असल सस्कार सिक्ने अवसर प्राप्त गर्ने थिए । आशा छ उक्त महायज्ञमा  सम्पूर्णको साथ रहने छ ।
 

- राजन खरेल